Bloomberg-ის ინფორმაციით, უოლ-სტრიტი ნელ-ნელა კრიპტოვალუტის ბაზარს ტოვებს. მიუხედავად ბაზრის დაცემისა, დარეგულირების პრობლემებისა და თაღლითობის უამრავი შემთხვევებისა, გვეჩვენებოდა, რომ უოლ-სტრიტი კრიპტო-აქტივების ფასების აწევას შეძლებდა.
შარშან, როდესაც კრიპტო-ინდუსტრია თავის არსებობის ისტორიაში ყველაზე დიდი პოპულარულობით სარგებლობდა, ბევრი მსხვილი კომპანია კრიპტობაზრისადმი თავის ინტერესზე ღიად საუბრობდა. კომპანიებმა Goldman Sachs, Fidelity Investments და Barclays Bank Plc-მა თავიანთ ოფისებში კრიპტოვალუტის განყოფილებები შექმნეს, რომლებიც ბაზარს სწავლობდნენ და ამით ფინანსური სამყაროს მღელვარება გამოიწვიეს.
კომპანია Goldman Sachs-ი უოლ-სტრიტზე ერთ-ერთი პირველი კომპანიაა, რომელიც ბიტკოინ-ფიუჩერსებით დაინტერესდა და, გავრცელებული ჭორების თანახმად, საკუთარი კრიპტოვალუტური ბირჟის შექმნაზე მუშაობდა. საინვესტიციო ბანკმა Galaxy Digital-თან პარტნიორული შეთანხმება დადო და კასტოდიალური კომპანიის BitGo Holdings Inc.-ის B სერიის 57 მილიონი აშშ დოლარით დაფინანსების რაუნდს ჩაუდგა სათავეში, რითაც ცდილობდა თავისი კლიენტებისთვის კასტოდიალური მომსახურება გაეწია. გარდა ამისა, ბანკის წარმოებულმა ბიტკოინ-პროდუქტმა, დიდ პროგრესს ვერ მიაღწია.
გავრცელებული ინფორმაციის თანახმად, ამერიკული ბანკი Citigroup Inc.-ი კრიპტოვალუტური პროდუქტი შეიმუშავა, რათა აქტივებით მმართველი ფირმების და ჰეჯ-ფონდების რისკები შეემცირებინა, რომლებსაც ისინი კრიპტოვალუტაში ინვესტირებისას ექვემდებარებიან. გეგმის თანახმად, პროდუქტი სახელწოდებით Digital Asset Receipt-ი, კრიპტოინვესტორებს ინვესტიციების კონტროლისთვის ინოვაციურ საშუალებას მისცემს და აქტივების ახალი კლასისადმი ნდობისა და ლეგიტიმურობის ასამაღლებელ ახალი დამატებითი დონით უზრუნველყოფს.
შემდეგ ჩვენ გვაქვს ბრიტანული ბანკი Barclays Inc., რომელმაც ბუმის დროს კრიპტოვალუტისადმი უდიდესი ინტერესი გამოიჩინა. ბანკმა კრიპტოვალუტური აქტივების ახალი ქვეგანყოფილება შექმნა, რომელსაც ტრეიდერები კრის ტირარი და მეთიუ ჯობი ჩაუდგნენ სათავეში. თუმცა, ბანკმა კრიპტოვალუტური პლატფორმის გახსნა ვერ მოახერხა და მისი მომავალი გახსნასთან დაკვშირებული ყველა ჭორი უარყო.
ანგარიშის თანახმად, უოლ-სტრიტის კრიპტობაზრიდან წასვლის ორი მიზეზი არსებობს - ფასების ვარდნა და ნორმატიულ-სამართლებრივი ბაზის არარსებობა. 2018 წელმა კრიპტოვალუტის ბაზრის კაპიტალიზაციიდან დაახლოებით 700 მილიარდი აშშ დოლარი იმსხვერპლა. ბაზრის დათვური ტენდენციების გამო ბევრი კრიპტოვალუტური კომპანია დაზარალდა, ბევრიც დაიხურა და მაინინგით დაკავებული ფირმები კი - ყოველდღიურად ზარალდებიან. რაც შეეხება დარეგულირების საკითხს, გავრცელებული აზრის თანახმად, ზუსტად ნორმატიულ-სამართლებრივი ბაზის არქონა არის ის მიზეზი, რის გამოც ფინანსური სექტორის მსხვილი მოთამაშეები ამ ბაზარზე შემოსვლისგან თავს იკავებენ.
ასევე წაიკითხეთ
უზბეკეთის სავაჭრო-სამრეწველო პალატა კრიპტოვალუტასთან დაკავშირებულ საკითხს საარბიტრაჟო სასამართლოში განიხილავს
უზბეკეთის სავაჭრო-სამრეწველო პალატა კრიპტოვალუტასთან დაკავშირებულ სადაო საკითხებს საარბიტრაჟო სასამართლოში განიხილავს. ტაშკენტის საერთაშორისო საარბიტრაჟო ცენტრს (TIAC) ქვეყნის სავაჭრო-სამრეწველო პალატა უხელმძღვანელებს. პრეზიდენტის შავკატ მირზიევის განკარგულებით მოცემულ პლატფორმას ინვესტიციებთან, საკუთრების აქტუალობასთან და კრიპტოვალუტურ ტექნოლოგიებთან დაკავშირებულ უთანხმოებების მოგვარებისთვის გამოიყენებენ.
აშშ-ს ახალი კანონმდებლობა სთავაზობს, რომ კრიპტოვალუტა ფასიან ქაღალდებად არ ჩაითვალოს
ჩაითვალოს 20 დეკემბერს აშშ-ს ორმა კონგრესმენმა წარმომადგენელთა პალატას განსახილველად კანონპროექტი წარუდგინა, რომლის მიხედვით კრიპტოვალუტა ფასიან ქაღალდებად აღარ ჩაითვლება. „2018 წლის კანონპროექტი ტოკენების კლასიფიკაციის შესახებ“ უორენ დევიდსონმა და დარენ სოტომ წარადგინეს. ის ფასიანი ქაღალდების შესახებ 1933 წლის კანონსა და 1934 წლის ფასიანი ქაღალდების შესახებ კანონში ცვლილებების გზით, ფასიანი ქაღალდების განსაზღვრებიდან ციფრული ვალუტების ამოღებას სთავაზობს.
უკანასკნელი სტატიები კატეგორიიდან რეგულატორები
