ანგარიშის თანახმად, რომელიც კიბერუსაფრთხოებით დაკავებულმა რუსულმა კომპანიამ გამოაქვეყნა, ბოლო ორი წლის განმავლობაში კიბერვალუტის გაცვლითი პუნქტებიტან $882 მილიონი მოიპარეს.
კომპანია Group-IB-მ ჩაატარა კვლევა, რომლის თანახმადაც ბოლო ორი წლის განმავლობაში ჰაკერებმა შეძლეს გაცვლითი პუნქტებიდან $882 მილიონი მოეპარათ. GIB-ი დარწმუნებულია, რომ 2019 წლისთვის ეს ციფრები გაიზრდება. ქურდობის პოტენციური რაოდენობის ზრდა დაკავშირებულია იმასთან, რომ სულ უფრო მეტი გამოცდილი ჰაკერი, ისეთი როგორებიც არიან Lazarus, MoneyTaker, Cobalt ყურადღების კონცენტრირება კრიპტოვალუტის ბირჟებსა და ICO-ზე მოახდინეს.
კომპანიის წარმომადგენელმა განაცხადა:
2019 წელს კრიპტოვალუტის გაცვლითი პუნქტები სამიზნეებად იქცევიან ჰაკერების ახალი, უფრო აგრესიული ჯგუფების მხრიდან, რომლებიც ბანკებზე შეტევებით არიან დაკავებულნი. მიზნობრივი შეტევების რაოდენობა კრიპროვალუტის გაცვლით პუნქტებზე გაიზრდება.
Group-IB-ს აზრით, ჰაკერებმა ბირჟების გასატეხად სხვადასხვა მეთოდები გამოიყენეს. ყველაზე ეფექტური მეთოდები ფიშინგური ელექტრონული წერილები და ვირუსული პროგრამების დაყენება აღმოჩნდა.
2018 წელი გაცვლითი პუნქტებისთვის ნამდვილ გამოწვევად იქცა. ახლახანს ამერიკულმა ბლოკჩეინ ფირმა CipherTrace-მა გამოაქვეყნა მსგავსი ანგარიში, რომელშიც ნათქვამია, რომ ჰაკერული თავდასხმების შედეგად გატაცებული თანხების ოდენობამ $1 მილიარდი შეადგინა. ანგარიშში ასევე აღნიშნულია, რომ 2018 წელს კრიპტოვალურის ქურდობის რაოდენობა რამოდენიმეჯერ გაიზარდა.
როგორც ჩანს, აზიური ბირჟები ყველაზე მეტად დაზარალდნენ. ექსპერტების უმეტესობა თვლის, რომ გატეხვების ზრდა დაკავშირებულია იმასთან, რომ ბირჟების ოპერატორები აგრძელებენ კლიენთთა სახსრების შენახვას სუსტად დაცულ “hot wallet“-ებში.ამ წლის განმავლობაში მსგავსი შეცდომის გამო რამოდენიმე კომპანია დაზარალდა - იანვარში იაპონური გაცვლითი პუნქტიდან Coincheck 523 მილიონი NEM-ი გაიტაცეს. ამის მერე მალევე მსგავსი შეტევის მსხვერპლი სამხრეთკორეული ბირჟა გახდა.
მასალების მიხედვით https://ethereumworldnews.com
ასევე წაიკითხეთ
როგორ ვეძებოთ რუხი მაინერები Chrome-ის და Opera-ს წიაღებში
თქვენ უკვე იცით როგორ ხვდებიან ინტერნეტ-რესურსების გვერდებზე javascript-მაინერები. ახლა კი გავერკვიოთ თუ როგორ გავიგოთ ჩვენს მიერ გახსნილი ჩანართებიდან, კონკრეტულად რომელი იყენებს ჩვენს რესურსებს კრიპტოვალუტის მოპოვებისთვის.
ყალბი Facebook ექაუნთები თქვენი ბიტკოინების წართმევას ცდილობენ
ამ თვის განმავლობაში Facebook-ის ზოგიერთმა მომხმარებელმა შეამჩნია, რომ კომპანია Bitmain-მა, თავის „პარტნიორობის“ შესახებ ჩანაწერების კომენტარებში რეკლამა განათავსა, რომელშიც მომხმარებლებს კრიპტოვალუტური ტრანზაქციის შესრულებას სთავაზობს. პოსტი საეჭვოდ გამოიყურებოდა და გვერდის დაჰაკვის ეჭვიც მალევე გაჩნდა.
უკანასკნელი სტატიები კატეგორიიდან უსაფრთხოება
